أستاذ محمد عابدين، المحامي الجميل المقيم في قطر، ووحشاه مصر — نوّرت الدنيا يا حبيب قلبي. >> الله يخليك ويسعدك. أنا مش عارف أفرح ولا أزعل بالاستشارة، قول لي كده! >> لا، بالنسبة لنا أنا فرحان ومبسوط بيها جدًا إني ما وقعتش، ما صرفتش فلوس، ما اشتغلتش، ما بذلتش مجهود، وأنا لسه على البر، الحمد لله. >> [ضحك] ربنا يخليك. >> برضه نقطة مهمة جدًا: اللي على البر عوّام، زي ما بيقولوا؛ وعشان تتعلّم العوم لازم تروح لواحد بيعرف يعوم ويعلّمك — وده اللي أنا عملته. >> يا باشا ربنا يخليك لينا وما تحرمناش منك.

يعني تسلم إيدك. أنا بشكرك إن حضرتك متفهّم، ما تمسّكتش بالفكرة اللي كانت عندك وأصرّيت عليها. >> وأنا جايلك أتمسّك بالفكرة إزاي؟ أنا جايلك عشان إيه؟ >> والله يا باشا بيجيني ناس عايزة تجبرني إني أسيح لهم! [ضحك] ما أنا جايلك عشان تقول أتمسّك أكتر ولا لأ، أرجع ورا؟ ده الهدف أساسًا من الاستشارة. أقول لك أنا متمسّك؟ أقدر أقعد مع أي صاحب وأشرح له وأتمسّك قدّامه. >> وتتمسّك براحتك [ضحك]. جا لمين بالضبط؟ جا عشان يقول له أتمسّك ولا لأ! >> بالإضافة برضه للنقاط الجيدة جدًا…

…الفكرة اللي أنا كنت جايّ عشانها ما ظبطتش قوي، إلا إنه اتفتح لي ثلاث أفكار تانية أقرب للسوق وأقرب للتطبيق وأحسن وأقل في المجهود بشكل كبير من اللي أنا كنت جايّ فيه. يعني أنا ما جتش ومشيت وخلاص الدنيا راحت؛ لا، أنا جيت، اللي أنا عليه ما لقيتوش، بس لقيت ثلاث حاجات تانيين. >> يا حبيب قلبي. >> يعني ما جيتش ومشيت وخلاص؛ ما خسرتش، واتفتح لي قدّامي ثلاث أبواب محتاجين بحث شوية، إن شاء الله يكون لنا نصيب فيهم. >> إن شاء الله يا سعادة الباشا تكسر الدنيا، ربنا يخليك. نوّرتنا وشرّفتنا.

وإن شاء الله ما يكونش آخر فرصة؛ نلتقي في واحدة تانية وثالثة، وإن شاء الله أجيلك بفكرة من اللي اتكلمنا فيهم. أنا وصلت لكذا وكذا، إيه رأيك يا دكتور؟ >> الله عليك يا باشا، ربنا يزيدك ويوفّقك يا سعادة الباشا. متشكر لحضرتك جدًا، نوّرت الدنيا. >> ربنا يخليك.