فطبعًا كله متأثّر، والأفكار كلها بقت متضاربة وفيه تشويش في الأفكار… وده اللي خلّانا نجي للدكتور. ربنا يخليك، اتمنى أكون نجحت في إزالة بعض التشويش. بصراحة القعدة كانت مثمرة جدًا، وركّزنا في الأفكار اللي احنا جايين لحضرتك عليها.

والتشويش الحمد لله راح يا حبيب قلبي. احنا كتبنا النهارده صفحتين أفكار، 16 فكرة. — إيه أكتر فكرة عجبتك؟ موضوع الأوفر، العروض اللي تتعمل، وطريقة العروض اللي تتعمل للأسبوع.

وتحريك المنتج اللي واقف… دي برضه ليها كام فكرة كويسة جدًا. لو عندك منتج مش بيتباع بطريقة سريعة، تقدر تعمل إيه عشان يتباع بطريقة أسرع؟ وحكينا كمان على الزميل العزيز اللي كان عايز الفرانشايز.

خلّوا بالكم: الأوفرات أصلها ما فيهاش لعب كتير. الأوفر أنا بكسب فيها مش ربح؛ لو سعري فيه 20% هامش، هطلع أوفر بكام؟ وليكن 6%. المهم: كيف نصيغ الأوفر. لازم نركّز على طريقة العرض نفسها، لأنها هي اللي بتشدّ الكستمر إنه يشتري.

ممكن أقول «خصم 7%» — حد مش هياخد باله! إنما ممكن أصيغها بصياغة حلوة وأركّب اتنين في تلاتة مع بعض، يطلع عندنا المنتج هيتباع، وبيحلّ لنا مشاكل بيع كبيرة جدًا. أقدر كمان أقدّم حاجة (فور-فري) مقابل إن العميل يساعدنا.