شهادة شركة المركزية وكلاء المناصير | تدريب مبيعات وتسويق مع د. مصطفى نوارج

سيدي العزيز، أهلاً وسهلاً فيكم؛ بلدكم الثاني. دكتور مينا ودكتور مصطفى، شرّفتونا ونوّرتونا، وإن شاء الله تكونوا حسّيتوا حالكم ببلدكم مش ببلد ثاني — وهي من عاداتنا واحنا وعادات أهل الأردن: الكرم والضيافة.

الموضوع اللي صار معنا: احنا كنّا بنبيع وكانت أمورنا كويسة وكنّا جيدين جداً، لكن الدكتور مينا حكى كلمة: إنك لازم تروح للمكان البعيد، لازم تكون رقم واحد. فإذا بدك تكون رقم واحد — حتى لو كنت جيد — بدك تروح لمكان الامتياز، تبحث عن الامتياز.

واحنا اليوم مع مجموعة المناصير، عنّا فكر إننا نكون بالدرجات الأولى، وما بنرضى ولا بنقبل إلا نكون بالدرجات الأولى. مشان هيك استدعينا فريق درجة أولى؛ ما رضينا بأي فريق — محلي أو من الوطن العربي — إلا اللي رقم واحد. وكانت عنّا رؤية ودراسة على الفريق اللي استقطبناه؛ عملنا دراسة للسعر وللجهد اللي بيتقدّم وللمعلومات، فلقينا إنه أوفر — مش أقل، أوفر قيمة — مقابل الأسس العلمية الحديثة في البيع.

الدكتور مصطفى والدكتور مينا قدّموا للشباب اللي كنت أتمناه. كانت عنّا العشوائية في البيع، والأفكار كانت موجودة، فأضافوا أفكاراً ورتّبوا الأفكار. والحمد لله، الشباب ما شاء الله عليهم، الكل استفاد. شفت تطوّراً عند الشباب من أول يوم لآخر يوم خلال ست أيام؛ لمست التطوّر مباشرة، وصار في تستات سريعة للشباب ونجحوا فيها.

كان معهم في اليوم ساعتين دوام، فلقيت فرقاً بين الأسبوع الحالي والأسبوع الماضي: وصلنا لمنتجات بلّشت تتحرّك ما كانت تتحرّك عندنا — والفضل بعد رب العالمين لدكتور مصطفى ودكتور مينا. ونشكر مجموعة المناصير بكل طواقمها، وبالذكر المهندس عمر اللي ما تركنا ولا دقيقة، والمهندس محمد الدبور، والمهندس رامي، والمهندس الدلال؛ الكل ما قصّر، واشتغلنا كفريق واحد وفريق عائلي.

— سؤال أخير: حضرتك كنت بتقول إن ده أغلى سعر كورس في الوطن العربي، هل يستحق؟ — يستحق، نعم طبعاً. أنا حكيت لك بدون ما تسألني: أوفر كورس موجود؛ لأن المعلومات اللي بتتقدّم والتعب اللي بيصير قدامنا، إنت بتلمس قيمة السعر مقابل الخدمة.