أنا اتشرّفت بحضرتك النهارده، وكانوا ثلاث ساعات كلهم أكشن وكلهم أفكار وكلهم برين ستورمينج، يعني زي ما بيقولوا. وحضرتك مستمع جيد جدًا، ومش كده بس — أي ثينك إن شاء الله كام فكرة اللي إنت قلتهم ممكن يبقوا أفكار صغيرة، بس هيبقى ليهم إن شاء الله مردود كبير. يمكن الأفكار الصغيرة دي هي «التويك» اللي احنا كنا محتاجينه في الوعكة اللي احنا فيها. وأنا بقول «وعكة» عشان حاتم عارف بالأرقام إن احنا فعلًا في وعكة، ومبيعاتنا إن شاء الله هتزيد في المستقبل القريب. بس بنحاول نطلع من الوعكة دي بأي طريقة، ومن ضمن الطرق إن احنا بندّي العيش لخبّازه؛ إن…

…احنا بنتكلم مع دكتور فاهم وعنده إكسبيرينس، فبيساعدنا. الثلاث ساعات دول، بالنوتس اللي احنا أخدناهم وبالحاجات اللي هناخدها منك عشان نشتغل عليها، يبقى ليهم مردود جميل، وإن شاء الله خلال شهرين بالكتير — أي ثينك قبل رمضان — هنكلمك ونقول لك. تذكرة الطيران على حسابنا، تعالى افطر معانا! >> يا حبايبي ده شرف ليّا والله، شرف ليّا. ربنا يخليك أخ مروان، إن شاء الله تطير الدنيا. أخ حاتم بشكر حضرتك على المتابعة وعلى التواصل. >> أنا متشكر وسعيد إني اتعرّفت بحضرتك. وأنا أصلًا عن طريق الفيسبوك متابع لفيديوهاتك…

…من زمان، وما كانش في دماغي إني عايز أوصل لك — ما كنتش أعرف إزاي. لغاية مرة ريسنتلي حصل إعلان إنت عملت فيه تعليق في الآخر: «لو عايز استشارة تواصل معانا»، وما كنتش هعرف أوصل لك من غيره. فالحمد لله استفدنا، وإن شاء الله الكلام اللي اتكلمنا عليه النهارده نبتدي نحطّه في مجال التنفيذ. وأنا متهيّألي إن شاء الله هيجيب نتيجة إيجابية، وهنبقى على تواصل معاك بإذن الله.