أهلا وسهلًا بحضراتكم..
وإيه أجمل من إني أنزل مُنتج جودته عالية وسعره قليل؟
معروف طبعًا أصدقائي إن المُنتج عالي الجودة زي عربيات «مرسيدس» بيبقى سعره عالي، وده طبيعي جدًا، والمُنتج منخفض الجودة، يبقى سعره قليل، زي حاجات كتير حوالينا.
لكن لو لقيت مُنتج جودته عالية جدًا وسعره منخفض جدًا، فالمُنتج ده لازم هيكتسح الأسواق.
ودي حاجة صعبة جدًا.
بطل حدوتتنا النهارده هما شركتين عالميتين:
**تويوتا** اليابانية و**إيكيا** السويدية.
1. تويوتا – كيف تقدم سيارات عالية الجودة بسعر معقول؟
شركة **تويوتا** لاحظت إن أسعار السّيارات مرتفعة، وهي مستهدفة الطّبقة المتوسطة. يبقى كلّ ما نزلت بسعري، كلّ ما كسّرت الدّنيا.
فابتدت الشركة تشوف: إيه عناصر التّكلفة عندي؟
أكتر حاجة بتعلي التكلفة في معظم شركات السّيارات هي **أجزاء محرّك السّيارة اللي بتتلف أثناء التّصنيع**، وبيتباع جزء منها كخُردة، وده بيوزع تكلفته على السّيارات، وبالتالي سعرها بيزيد.
وهنا تبنّت تويوتا استراتيجية اسمها “زيرو ديفِكت” (Zero Defect)، يعني عايزين نسبة الهالك والتّالف تكون صفر في المية.
النتيجة؟ تويوتا قدرت تكتسح الطّبقة الوسطى، وتكون رقم واحد في العالم، حتى في أمريكا، بلد «جنرال موتورز».
2. إيكيا – الحلول الإبداعية لتخفيض تكلفة الأثاث
شركة **إيكيا** لما نزلت السّوق الأمريكي الضّخم كان لازم تتميز وتختلف.
قالوا نعمل إيه؟
– نعمل أثاث حلو؟ الأثاث هناك حلو.
– نعمل أثاث كبير؟ فيه أثاث كبير.
– نعمل أثاث صغير؟ فيه أثاث صغير.
يبقى إزاي نختلف ونتميّز؟
**الحل**: اكتشفوا إن المشكلة الأساسية عند العملاء هي **ارتفاع سعر الأثاث**.
تحليل عناصر التكلفة:
– **المعارض**:
إيكيا لاحظت إن المعارض بتعرض أثاث كتير جدًا في مساحات ضخمة، وده بيكلفها إيجارات عالية.
– **المخزن**:
الأثاث حجمه كبير جدًا، وبيحتاج مساحات تخزين شاسعة، وده بيفرض تكاليف عالية من حراسة ووسائل إطفاء.
– **النقل**:
نقل الأثاث من المصنع للمخزن، ومن المخزن للمعرض، وبعد كده العميل بيجيب عربيته علشان يستلم الأثاث.
إزاي إيكيا اتغلّبت على المشاكل دي؟
1. **الكتالوج بدل المعرض**:
إيكيا قررت تعرض قطعة واحدة بس من الأثاث، والباقي يتعرض في كتالوج. وده وفر مساحة ضخمة في المعارض.
2. **إلغاء المخزن**:
إيكيا طبقت نظام التصنيع حسب الطلب (JIT – Just In Time). العميل يطلب من الكتالوج، والمصنع ينتج مباشرة بناءً على الطلب. وده قلّل تكاليف التخزين.
3. **النقل مباشرة للعميل**:
العميل ياخد الأثاث بتاعه مباشرة من المصنع بدل منفذ البيع، وبكده وفرت على نفسها تكاليف النقل.
الخلاصة
**تويوتا** و**إيكيا** حققوا المعادلة الصعبة من خلال التحليل العميق لعناصر التكلفة والبحث عن حلول إبداعية.
بفضل الأفكار دي، الشركتين قدروا يكتسحوا الأسواق ويقدموا مُنتجات عالية الجودة بأسعار منخفضة.
**وتوتة توتة خلصت الحدوتة.**