حل النزاعات

• لا مفر من حدوث النزاعات فى العمل، سواء كانت هذه النزاعات تتم بين الأفراد أو بين الأقسام المختلفة في المنظمة
• فتلاقي ناس كتير جدًا بيتبعوا طريق واحد في الصراعات

oفعلى حين يفضل سيادة المستشار مثلاً –مش هقول الاسم .. هو أنا اتجننت؟؟!!- الصِدام والمواجهة على طول الخط،

o فإن حوالي 85% من البشر بيتجنبوا النزاع على طول الخط، وبيعملوا حاجة اسمها: الهروب من النزاع أو الإنكار. كل على حسب شخصيته.

• لكن الصح كلّ نزاع بيختلف عن النزاع التّاني؛ في طريقة مواجهته:

o يعني  لازم حضرتك في نزاعٍ ما تقرر إنك تستسلم وتحقق رغبة الطّرف الأخر. زي مثلًا ما مراتك تقولك: يللا نروح لماما!! المفروض إنك حتى لو مش عايز تخرج، تقرر إنك توافق وتاكل عيش 😊

o لكن في مرّة تانية لازم تواجه وتكسّر الدّنيا، مش كده ولا إيه؟

• فياترى يا هل ترى:

.1إمتى أواجه واتمسك برأيي؟

.2وإمتى أستسلم؟

.3وإمتى أتفاوض للوصول إلى حل وسط؟

.4وإمتى أتظاهر بعدم وجود نزاع أصلاً؟

• وده طبعا بيتم من خلال تقييم: أهمية الموضوع بالنسبة لك .. وأهمية علاقتك مع الطرف الآخَر